ABŞ-nin hava yolu şirkətinə məxsus təyyarənin eniş təkərlərində iki cəsəd TAPILDI
ABŞ-nin Florida ştatındakı "Fort Lauderdale-Hollywood" Beynəlxalq Hava Limanına enən JetBlue hava yollarına məxsus təyyarənin eniş təkərlərində iki cəsəd aşkarlanıb.
Redaktor.az xəbər verir ki, şirkətdən verilən açıqlamaya görə, Nyu-Yorkdan havaya qalxan və Floridaya enən "Airbus A320" tipli təyyarənin eniş təkərlərində gizlənən iki nəfər soyuqdan donaraq həyatını itirib.
Cəsədlər, təyyarə endikdən sonra aparılan rutin yoxlamalar zamanı aşkar edilib. Şirkət: "Bu şəxslərin təyyarəyə necə daxil olduqları ilə bağlı araşdırmalar davam edir", - ifadələrini qeyd edib.
Məlumata görə, təyyarə son olaraq bazar ertəsi gecəsi Nyu-York John F. Kennedy Beynəlxalq Hava Limanından Floridaya 1801 nömrəli uçuşla uçub.
ABŞ mediasında, cəsədlərin "Yamayka əsilli" şəxslərə aid olduğuna dair yayılan məlumatlar isə hələlik rəsmi orqanlar tərəfindən təsdiq edilməyib.
Seymur BƏNNAYEV
Bizi Telegram-da izləyin...
