Məkkədə güclü yağış selə səbəb oldu - VİDEO
Səudiyyə Ərəbistanının Məkkə şəhərində baş verən güclü yağış daşqınlara yol açıb və şəhərin bir çox bölgəsi su altında qalıb. Hadisə nəticəsində maddi ziyan qeydə alınıb.
Redaktor.az xəbər verir ki, Səudiyyə Ərəbistanının rəsmi xəbər agentliyi SPA, Məkkənin bir çox bölgəsində güclü və orta şiddətli yağış yağdığını bildirib.
Yerli və sosial mediada yayılan məlumatlara görə, güclü yağış səbəbindən Məkkədə bəzi bölgələrdə daşqınlar baş verib.
Şəhərin küçə və yollarında güclü axınlar meydana gəlib, motosiklet və avtomobillərin sel sularında sürükləndiyi görüntülənib.
Məkkədəki bir çox mağaza və iş yerləri su altında qalıb. Hadisə ilə bağlı insan itkisi barədə hələlik rəsmi açıqlama verilməyib.
Qeyd edək ki, Səudiyyə Ərəbistanının Milli Meteorologiya Mərkəzi, Məkkədə güclü yağış, külək və dolu yağması ilə bağlı xəbərdarlıq etmişdi.
Seymur BƏNNAYEV
Bizi Telegram-da izləyin...
