THY-nin 2024-cü il üzrə sərnişin sayı 85 milyonu KEÇİB
Türk Hava Yolları (THY), 2024-cü il ərzində ümumi sərnişin sayını 85,2 milyon olaraq açıqlayıb.
Redaktor.az xəbər verir ki, şirkət, dekabr ayına aid uçuş məlumatlarını Türkiyənin Kamuyu Aydınlatma Platformunda (KAP) yayımlayıb.
Məlumata görə, 2023-cü ildə 83,4 milyon olan sərnişin sayı, 2024-cü ildə 2,1 faiz artaraq 85,2 milyona çatıb.
Açıqlamada bildirilib ki:
Beynəlxalq tranzit sərnişin sayı 2023-cü ildə 29,8 milyon olduğu halda, bu rəqəm 2024-cü ildə 6,4 faiz artaraq 31,7 milyon olub.
Ümumi sərnişin doluluq faizi isə 2024-cü ildə 82,2 faiz olaraq qeydə alınıb. Bu göstərici əvvəlki ilə nisbətən 0,4 faiz azalıb. Xarici uçuşlarda doluluq 81,8 faiz, daxili uçuşlarda isə 85,8 faiz təşkil edib.
Daşınan yük və poçt həcmi 2023-cü ildə 1,7 milyon ton olduğu halda, 2024-cü ildə 20,6 faiz artaraq 2 milyon tona çatıb.
2024-cü ilin sonu etibarilə THY-nin donanmasındakı təyyarə sayı 492-yə yüksəlib.
Seymur BƏNNAYEV
Bizi Telegram-da izləyin...
