Los-Ancelesdə meşə yanğını: 5 nəfər ÖLDÜ
ABŞ-nin Kaliforniya ştatının Los-Anceles şəhərində şiddətli külək səbəbindən yayılan meşə yanğını nəticəsində ölənlərin sayı 5-ə yüksəlib, çox sayda insanın isə yaralandığı bildirilib.
Redaktor.az xəbər verir ki, rəsmilər, şəhərin lüks məhəllələrindən birində başlayan və 6 fərqli ərazidə davam edən yanğında indiyədək 5 nəfərin həyatını itirdiyini açıqlayıblar.
Los-Anceles Yanğınsöndürmə Departamenti nümayəndələri, şəhər tarixinin ən dağıdıcı yanğınlarından birinin yaşandığını və 2 minə yaxın evin tamamilə yandığını qeyd ediblər.
Əyalət rəhbərliyi tərəfindən təxminən 100 min nəfər üçün təxliyə əmri verilib. Yanğının Hollivud bölgəsinə də sıçradığı bildirilir. ABŞ mətbuatında yer alan xəbərlərə görə, Paris Hilton, Mandy Moore və Cary Elves kimi bir çox məşhur şəxsin də yanğında evlərini itirdiyi vurğulanıb.
Yanğın səbəbindən bölgədə bütün məktəblər müvəqqəti olaraq bağlanıb.
Seymur BƏNNAYEV
Bizi Telegram-da izləyin...
