ABŞ-nin Qrenlandiyada hərbi mövcudluğunu artırmaq planı yoxdur - Reuters
ABŞ Qrenlandiyada hərbi mövcudluğunu artırmağı planlaşdırmır.
Redaktor.az-ın məlumatına görə, bu barədə "Reuters" Amerikanın Kopenhagendəki səfirliyinin nümayəndəsinə istinadən xəbər verir.
“ABŞ-nin Qrenlandiyada hazırkı hərbi mövcudluğunu artırmaq planları yoxdur”, - deyə o, agentliyə bildirib.
Səfirliyin sözçüsü qeyd edib ki, Birləşmiş Ştatlar ümumi təhlükəsizlik ehtiyaclarını həll etmək üçün Danimarka və Qrenlandiya ilə sıx əməkdaşlığı davam etdirəcək.
Birləşmiş Ştatların adanın şimal-qərbindəki Pituffik aviabazasında daimi varlığı var.
Xatırladaq ki, yanvarın 7-də ABŞ-nin yeni seçilmiş prezidenti Donald Tramp milli təhlükəsizlik baxımından Qrenlandiyanın ABŞ-nin bir hissəsinə çevrilməli olduğunu deyib. Hələ 2019-cu ildə, ilk prezidentlik dövründə o, ABŞ-nin Danimarkanın tərkibində olan və geniş muxtariyyət hüquqları olan Qrenlandiyanı ala biləcəyini söyləyib. O vaxt olduğu kimi, Qrenlandiya və Danimarka hakimiyyəti bu ideyanı absurd elan edib.
Turan İSMAYIL
Bizi Telegram-da izləyin...
