Qrenlandiya ABŞ-nin milli təhlükəsizliyi üçün vacibdir
Qrenlandiya ABŞ-nin milli təhlükəsizliyinə təsir edən Arktika rəqabətinin mühüm hissəsidir.
Redaktor.az xəbər verir ki, bunu ABŞ-nin yeni seçilmiş Prezidenti Donald Trampın gələcək milli təhlükəsizlik müşaviri Mayk Uols deyib.
"Biz təkcə Qrenlandiyadan danışmırıq, Arktikadan da danışırıq, Bu, bizim milli təhlükəsizliyimizdir, bunlar kritik mineral ehtiyatlardır. Arktikanın kralı olmağa çalışan, bəziləri nüvə enerjisi ilə işləyən 60-dan çox buzqıran gəmiyə sahib olan Rusiya var. Bilirsiniz, bizdə nə qədər buzqıran var? İki buzqıran gəmimiz var, biri isə indicə yanıb", - o, bildirib
Bundan əlavə, Uols Çinin neft və qazla zəngin regiona marağının artdığını qeyd edib.
Türkan İSGƏNDƏRLİ
Bizi Telegram-da izləyin...
