Putin Ukraynanı tamamilə məhv etmək istəyir - Zelenski
Ukraynaya Putinin Ukraynaya yenidən müharibə aparmasının qarşısını alacaq təhlükəsizlik zəmanəti verilməlidir. Ukraynanın arzusu bu il belə zəmanətlər almaq və müharibəni bitirməkdir.
Redaktor.az xəbər verir ki, bunu Ukrayna Prezidenti Volodimir Zelenski İtaliyanın "RaiNews24" telekanalına müsahibəsində deyib.
"Bizim üçün sülhün gəlməsi çox vacibdir. Biz sülhü hamıdan çox istəyirik və bu başa düşüləndir, çünki biz hamıdan çox itiririk, ilk növbədə insanlar. Amma nəyisə razılaşmadan əvvəl çox vacibdir ki, ciddi təhlükəsizlik zəmanətləri olsun, Ukrayna və bütün Avropa üçün təhlükəsizlik olsun. Bu, Ukraynanın müdafiəsi və təhlükəsizliyin zəmanətidir ki, Rusiya 2014-cü ildə Krımın bir hissəsini işğal etdiyi kimi geri qayıtmayacaq, bir daha aqressiya ilə qayıtmayacaq. Hamı deyirdi: “Burada sizin dondurulmuş münaqişəniz var və Rusiya gəlməyəcək, sonra isə ancaq diplomatiya olacaq”. Amma məlum oldu ki, Putin yalan danışıb. Və məlum oldu ki, Putin genişmiqyaslı müharibə ilə gəlib, on minlərlə insanı öldürüb”, - Zelenski bildirib.
O, vurğulayıb ki, Ukraynaya ABŞ-nin Rusiyaya təzyiq göstərməsi və Ukraynaya Avropa ilə birlikdə belə bir təhlükəsizlik zəmanəti verməsi lazımdır ki, Putin və ya ondan sonrakı hər hansı bir şəxs heç vaxt Ukraynaya qarşı müharibəyə getməsin.
"Bizim informasiyaya düzgün hazırlaşmağımız, baş verənləri başa düşməyimiz çox vacibdir. Putin Ukraynanı tamamilə məhv etmək istəyir və həmişə də istəyib. Bu, faktdır, onun arzusudur - bizi tamamilə məhv etmək, bizi tamamilə işğal etmək üçün başqa nağıllara inanmağa ehtiyac yoxdur, ona görə də Ukraynaya onun yenidən müharibə ilə gəlməsinə imkan verməyəcək təhlükəsizlik zəmanətləri verilməlidir və bu, bizim arzumuzdur. Biz bunun üçün hər şeyi edəcəyik”, - deyə prezident əlavə edib.
Turan İSMAYIL
Bizi Telegram-da izləyin...
