Çin ordusu Tayvan səddini KEÇDİ
Tayvan hərbçiləri son bir neçə saat ərzində ada və materik Çini ayıran Tayvan boğazı üzərindən orta xətti keçən 20-dən çox Çin Xalq Azadlıq Ordusunun (PLA) təyyarəsini görüblər.
Redaktor.az xəbər verir ki, bu barədə Tayvan Müdafiə Nazirliyi məlumat yayıb.
"Ümumilikdə, bu gün saat 08:20-dən müxtəlif tipli 22 PLA təyyarəsi aşkar edilib. Onlardan 19-u Tayvan boğazının orta xəttini keçərək şimal, mərkəzi, cənub-qərb və şərq hava hücumundan müdafiə zonalarına daxil olub”, - hesabatda qeyd edilir.
Tayvan müdafiə departamenti bildirib ki, dünən gecə saat 06:00-a qədər Tayvan Silahlı Qüvvələri adaya yaxınlaşan 10 təyyarə və 4 Çin gəmisini qeydə alıb. Sonra beş PLA təyyarəsi orta xətti keçib.
Tayvan müdafiə departamenti mütəmadi olaraq Çin təyyarələrinin və gəmilərinin yaxınlaşmasını qeyd edir. Tayvan 1949-cu ildən, Çan Kay-şek (1887-1975) başçılıq etdiyi Kuomintang qüvvələrinin qalıqları Çin Vətəndaş Müharibəsində məğlub olduqdan sonra oraya qaçdıqdan sonra öz administrasiyası tərəfindən idarə olunur. Pekin Tayvanı Çin Xalq Respublikasının əyalətlərindən biri hesab edir.
Bənövşə HƏSƏN
Bizi Telegram-da izləyin...
