Moskvada hərbi maşın yandırıldı
Yeni Moskvada naməlum şəxslər hərbi nömrə nişanlı UAZ Patriot markalı avtomobili yandırıblar.
Redaktor.az bu barədə BAZA teleqram kanalına istinadla xəbər verir.
“UAZ Patriot markalı qara-ağ hərbi nömrə nişanlı avtomobil Desyonovskoye qəsəbəsindəki evlərin birində dayanacaqda saxlanılıb. Bir anda avtomobil yanıb. Hadisə şahidləri yanğını görüb və xilasediciləri çağırıblar”, - məlumatda deyilir.
Yanğın zamanı hərbi maşında heç kim olmayıb. Kadrlardan görünür ki, yolsuzluq avtomobilinin salonu tamamilə yanıb. Eyni zamanda avtomobilin siqnalı davamlı olaraq səslənir. Yanan UAZ-ın bilavasitə yaxınlığında “Qazel” markalı furqon dayanıb və külək alovu birbaşa ona doğru aparır. İnsanlar hadisə yerinə toplaşıb.
Turan İSMAYIL
Bizi Telegram-da izləyin...
