Tramp dünyadakı münaqişələri həll edəcəyini vəd VERDİ
ABŞ Prezidenti Donald Tramp dünyadakı münaqişələrin həllində iştirak edəcəyini bildirib.
Bu barədə Redaktor.az xarici mətbuata istinadən xəbər verir.
"Bizim uğurumuz təkcə qalib gəldiyimiz döyüşlərdən yox, həm də bitirdiyimiz müharibələrdən ibarət olacaq. Müharibələrə cəlb edilməmək vacib olacaq", - Tramp deyib.
"Mən sülhməramlı və insanları bir araya gətirən insan olmaq istəyirəm", - ABŞ rəhbəri əlavə edib.
O, eyni zamanda ABŞ Ordusunun gücləndirilməsinə diqqət yetirəcəyinə söz verib.
“Biz 2017-ci ildə etdiyimiz kimi (Trampın birinci prezidentliyi dövründə - red) bir daha dünya tarixinin ən güclü ordusunu quracağıq”, - Tramp vurğulayıb.
ABŞ Prezidenti xüsusilə əvvəlki administrasiya tərəfindən COVID-19 peyvəndindən imtina etdiyi üçün silahlı qüvvələrdən uzaqlaşdırılan hərbi qulluqçuları xidmətə qaytaracağına söz verib.
Bizi Telegram-da izləyin...
