Oteldə baş verən yanğında 10 nəfər ÖLDÜ
Türkiyənin Bolu vilayətindəki Kartalkaya xizək kurortunda oteldə baş verən yanğında azı on nəfər ölüb.
Redaktor.az xəbər verir ki, bu barədə Türkiyə nəşri məlumat yayıb.
Məlumata görə, yanvarın 21-də səhər saatlarında fasadı taxta ilə örtülmüş oteldə yanğın baş verib. Otaqlardan birində başlayan alov daha sonra bütün binanı bürüyüb.
Son məlumatlara görə, yanğın zamanı 10 nəfər ölüb, daha 32 nəfər yaralanıb. Oteldə 234 qonaq olduğu qeyd edilir.
Polis iki otel administratorunu saxlayıb. Faktla bağlı araşdırma aparılır.
Türkan İSGƏNDƏRLİ
Bizi Telegram-da izləyin...
