Çin 2024-cü ildə 543 milyon ton kömür ALDI
Çin 2024-cü ildə rekord 543 milyon ton kömür alıb ki , bu da əvvəlki illə müqayisədə 14 faiz çoxdur. Eyni zamanda, Rusiyadan başqa bütün təchizatçılar Çinə ixrac nəticələrini yaxşılaşdıra biliblər.
Redaktor.az xəbər verir ki, bu barədə Bloomberg məlumat yayıb.
Rusiya kömürünü xüsusilə aktiv şəkildə Avstraliya və Monqolustan kömürləri əvəz edir. Hər iki ölkə təqribən 83 milyon ton tədarük edib. İndoneziya Çinə ən böyük kömür tədarükçüsü olaraq qalır ;
ÇXR Gömrük İdarəsinin məlumatına görə, Rusiyanın Çinə ixracı 7 faiz azalaraq 95,1 milyon tona düşüb. Nəşrin yazdığına görə, Monqolustan Rusiya şirkətlərini təbii əvəz edir, çünki Çinlə dəmir yolu əlaqələrini inkişaf etdirir, onunla həmsərhəddir və yüksək keyfiyyətli kömür satır.
Rusiyadan tədarükçülər kömürün baha olması, ilk növbədə bahalı logistika, eləcə də Qərbin sanksiyaları üzündən uduzurlar. Rusiyalı kömür mədənçiləri endirimlər təqdim edə bilməsələr, çinli alıcıların riskli əməliyyatlarla məşğul olmasının mənası yoxdur. Sənaye üçün əlavə təhlükə bu il Çinin kömürə olan tələbatının gözlənilən azalması olacaq.
Daha əvvəl məlumat verilmişdi ki, hökumətin maliyyə sektorunun və iqtisadiyyatın bəzi sektorlarının sabitliyinin artırılması üzrə alt komitəsi Rusiya kömür şirkətlərinin müflisləşməsi üçün xüsusi prosedur üçün təkliflərin hazırlanmasına göstəriş verib . Media göstərir ki, sənaye müəssisələrin məhv olması təhlükəsini kifayət qədər yüksək qiymətləndirir və problemləri bazar vasitəsilə həll etmək yollarını görmür.
Mütəxəssislər sənayenin orta gəlirsizliyini bir ton üçün 4,5 min rubl qiymətləndirirlər. Bununla belə, onlar qeyd edirlər ki, şaxtaların və açıq mədənlərin bağlanması və ləğvi sosial gərginliyin artmasına səbəb olacaq.
BƏNÖVŞƏ
Bizi Telegram-da izləyin...
