Rusiya XİN Litva ilə sazişə xitam verildiyini AÇIQLADI
Rusiya və Latviya arasında mülki, ailə və cinayət işləri üzrə hüquqi yardım və hüquqi münasibətlər haqqında sazişə yanvarın 21-də xitam verilib.
Redaktor.az xəbər verir ki, bu barədə Rusiya Xarici İşlər Nazirliyinin hüquqi informasiya portalında dərc olunan məlumatında deyilir.
“2025-ci il yanvarın 21-də Rusiya Federasiyası ilə Litva Respublikası arasında mülki, ailə və cinayət işləri üzrə hüquqi yardım və hüquqi münasibətlər haqqında 1992-ci il iyulun 21-də Vilnüsdə imzalanmış sazişə xitam verilib”, - nazirlikdən bildirilib.
Xatırladaq ki, Litva Seymi (parlamenti) ötən il iyunun 25-də bu sazişi denonsasiya edib. Rusiya və Litva müqaviləni 1992-ci ildə imzalayıb və hər beş ildən bir onu yeniləyirdi. Sənəd Rusiya və Litva vətəndaşlarının şəxsi və əmlak hüquqlarını bərabər şəkildə qorumağa, mübahisələr yarandıqda hüquqi əməkdaşlığı təmin edirdi.
Bizi Telegram-da izləyin...
