Hindistanda qatar qəzası: ölən və yaralananlar var
Hindistanın Maharaştra ştatında sərnişin qatarının fövqəladə əyləc sisteminin işə düşməsi ilə yaranan panika nəticəsində relslərə enən sərnişinlərə əks istiqamətdən gələn başqa bir qatar çırpılıb.
Redaktor.az xarici KİV-ə istinadən xəbər verir ki, hadisədə 11 nəfər həlak olub, 5 nəfər yaralanıb.
Cəlgaon bölgəsində yerləşən Paranda Qatar Stansiyası yaxınlığında Pushpak Ekspresinin fövqəladə əyləc sistemi işə düşüb. Qatarın içində yanğın olduğu ilə bağlı yayılan şayiələr panika yaradıb və sərnişinlərdən bəziləri relslərə atlayıb. Əks istiqamətdən gələn Karnataka Ekspresi həmin sərnişinlərə çırpılaraq faciəyə səbəb olub.
Hadisə yerinə çox sayda təcili tibbi yardım maşını göndərilib və araşdırma başlanılıb.
Kənan YUSİF
Bizi Telegram-da izləyin...
