Kamerunda Paul Biya növbəti seçkilərdə namizədliyini açıqladı
Kamerun prezidenti Paul Biya 12 oktyabr 2025-ci ildə keçiriləcək növbəti prezident seçkilərində iştirak etmək üçün namizədliyini rəsmən açıqlayıb.
Redaktor.az xəbər verir ki, qərarı Milli Assambleyanın (parlamentin aşağı palatası) spikeri Cibril Kavaye Yeqye elan edib.
Fevralın 13-də Biyanın 92 yaşı tamam olacaq. O, səkkizinci dəfə namizədliyini irəli sürəcək və ölkə müstəqillik qazandıqdan sonra Kamerunun ikinci prezidenti olacaq.
Onun sələfi Amadou Ahidjo 1960-1982-ci illərdə ölkəyə rəhbərlik edib.
Qeyd edək ki, Britaniya kraliçası II Elizabetin ölümündən sonra Biya vəzifədə olan ən yaşlı dövlət başçısı olub.
Hal-hazırda o, dünyada ən uzun ömür sürən ikinci prezidentdir (43 ilə yaxın). Birinci yer Ekvatorial Qvineya lideri, ölkəni 1979-cu ildən idarə edən Teodoro Obianq Nqema Mbasoqoya məxsusdur.
Xatırladaq ki, Kamerun Konstitusiyası dövlət başçısının yaşını və ya vəzifədə olma müddətinin sayını məhdudlaşdırmır. Bir prezidentlik dövrünün müddəti yeddi ildir.
Bizi Telegram-da izləyin...
