Qırmızı dənizdə konteyner gəmisində partlayış baş VERDİ
Qırmızı dənizdə Yəmən yaxınlığında Honq-Konq bayrağı altında üzən konteyner gəmisində partlayış baş verib.
Redaktor.az bu barədə xarici mediaya istinadla xəbər verir.
Məlumata görə, hadisə Diaplous Group dəniz təhlükəsizliyi şirkətinin məlumatlarına əsaslanır. Partlayış nəticəsində gəmidə yanğın başlayıb. Hadisə Yəmənin Hudeyda limanından 225 km məsafədə qeydə alınıb.
Gəmi heyəti təcili olaraq təxliyə edilib və xilas olunub. Xoşbəxtlikdən, insident zamanı xəsarət alan olmayıb. Partlayışın dəqiq səbəbləri hələlik müəyyənləşdirilməyib.
Dəniz nəqliyyatı sahəsindən olan mənbə gəminin "təhlükəli" yük daşıdığını bildirib, lakin yükün dəqiq növü və gəminin adı açıqlanmayıb.
Qeyd edək ki, bu bölgədə Yəmənin husiləri dəfələrlə gəmilərə hücum edib.
Kənan YUSİF
Bizi Telegram-da izləyin...
