ABŞ-ın F-35 qırıcı təyyarəsi qəzaya uğradı - VİDEO
F-35 qırıcı təyyarəsi ABŞ-ın Alyaska ştatında qəzaya uğrayıb, pilot isə təhlükəsiz vəziyyətdə qalıb.
Redaktor.az yerli mediaya istinadla xəbər verir ki, Alyaskadakı Eylson Hərbi Hava Qüvvələri bazasının nümayəndəsi bəyanatında insidentin hərbi bazanın uçuş-enmə zolağında baş verdiyini bildirib.
Rəsmi şəxs qəza keçirmiş F-35 qırıcısının ciddi zədələndiyini və hadisə ilə bağlı araşdırma aparıldığını qeyd edib.
ABŞ Hərbi Hava Qüvvələrinin bəyanatına əsasən, insidentdən sonra pilot təhlükəsiz vəziyyətdə olub və müayinə üçün hərbi hospitala aparılıb.
Sosial şəbəkələrdə yayımlanan kadrlarda F-35 qırıcısının havada sürüşdüyü, yerə çırpıldığı və partladığı görünür.
Bizi Telegram-da izləyin...
