Kosmosda ən uzun müddət gəzən qadın o OLDU
ABŞ-li astronavt Suni Uilliams, ümumilikdə 62 saat 6 dəqiqə ilə kosmosda ən uzun müddət piyada gəzən qadın astronavt oldu.
Redaktor.az xəbər verir ki, Beynəlxalq Kosmik Stansiyasının (ISS) X hesabında verilən açıqlamaya görə, Uilliams əvvəlki rekordçu astronavt Peqi Uitsonun 60 saat 21 dəqiqəlik rekordunu geridə qoyub.
Uzun müddətdir kosmosda olan Uilliams və onun həmkarı Butç Uilmore, stansiyanın avadanlıqlarının texniki baxışı və səth materiallarından nümunələr toplamaq üçün 5 saat 26 dəqiqə davam edən piyada gəzinti həyata keçirib. Bununla da Uilliamsın ümumi kosmik yürüş müddəti 62 saat 6 dəqiqəyə yüksəlib.
Kənan YUSİF
Bizi Telegram-da izləyin...
