Qəzzada son 24 saatda 18 nəfərin cəsədi dağıntılar altından çıxarıldı
İsrailin 15 aydan çox davam edən hücumlarının ardından atəşkəs əldə edilən Qəzza zolağında, son 24 saatda 18-i dağıntılar altından çıxarılan 20 fələstinlinin cəsədi xəstəxanalara təhvil verilib.
Redaktor.az xəbər verir ki, Qəzzadakı Fələstin Səhiyyə Nazirliyinin yaydığı açıqlamada, İsrail və HƏMAS arasındakı atəşkəsin 14-cü günündə ölən və yaralananlarla bağlı son məlumatlar paylaşılıb.
Bildirilib ki, son 24 saatda xəstəxanalara 20 cəsəd və 20 yaralı çatdırılıb. Həyatını itirənlərin 18-nin dağıntılar altından çıxarıldığı qeyd edilib.
Qeyd edək ki, İsrailin 7 oktyabr 2023-cü ildən bu yana Qəzza zolağına təşkil etdiyi hücumlarda həyatını itirən fələstinlilərin sayı 47 min 518-ə, yaralıların sayı isə 111 min 612-yə yüksəlib.
Kənan YUSİF
Bizi Telegram-da izləyin...
