Britaniyada nazir votsapda söyüş yazdığına görə işdən QOVULDU
Böyük Britaniyanın səhiyyə naziri Endryu Qvin “WhatsApp” qrupunda yazdığı təhqiramiz şərhlərə görə işdən çıxarılıb.
Redaktor.az telegraph.co.uk-a istinadla xəbər verir ki, bu barədə Baş nazir Kir Starmer sərəncam verib.
Məlumata görə səhiyyə naziri onu dəstəkləməyən bir təqaüdçünün növbəti seçkilərə qədər öləcəyinə ümid etdiyini bildirən, həmçinin baş nazirin müavini Angela Rayner haqqında aşkar antisemit ifadələr və çox pis söyüş yazıb.
Votsap yazışmaları Baş nazir Kir Starmerə təqdim edildikdən sonra o, səhiyyə nazirini işdən qovub.
“Baş nazir dövlət vəzifəsində yüksək davranış standartlarını dəstəkləmək və işçilərə xidmət edən hökumətə rəhbərlik etmək əzmindədir. O, bu işdə olduğu kimi, bu standartlara əməl etməyən hər bir nazirə qarşı tədbir görməkdən çəkinməyəcək”, - deyə Baş nazirin sözçüsü mətbuata bəyanatla çıxış edib.
Qvin isə bunları deyib:
"Yanlış mühakimə etdiyim şərhlərə görə dərindən təəssüflənirəm və səbəb olduğum hər hansı təhqirə görə üzr istəyirəm. Mən Baş Nazirin və partiyanın qəbul etdiyi qərarları tamamilə başa düşürəm və dayandırılması çox kədərli olsa da, bacardığım qədər onları dəstəkləyəcəyəm."
“Endryu Qvin Leyboristlər Partiyasının üzvü kimi inzibati qaydada dayandırılıb. Biz İşçi Partiyasının qayda və prosedurlarına uyğun olaraq bu "WhatsApp" qrupunda edilən şərhləri araşdırırıq. Əgər fərdlərin Leyboristlər Partiyasının üzvləri kimi onlardan gözlənilən yüksək standartları pozduqları aşkar edilərsə, tez tədbirlər görüləcək", - bunu isə Leyboristlərin sözçüsü deyib.
Turan İSMAYIL
Bizi Telegram-da izləyin...
