Böyük Britaniyanın yeni SANKSİYALARI
Böyük Britaniya Rusiya əleyhinə sanksiyalarının mövqeyini genişləndirib.
Redaktor.az bu barədə "TASS"a istinadla məlumat verir.
Böyük Britaniya ASC Avilon Automobile Group, MMC Grant-Trade, Gruppa Russkaya Energiya, İdarəetmə Şirkəti Sibantrasit-ə qarşı sanksiyalar tətbiq edib.
Digər ölkələrin şirkətləri və vətəndaşlara qarşı sanksiyalar:
Böyük Britaniya Şimali Koreyanın müdafiə naziri No Kvanq Çol və bir sıra digər yüksək rütbəli hərbi rəhbərlərə məhdudiyyətlər qoyub. Sanksiyalara Baş Qərargah rəisinin müavini Kim Yonq Bok, ordu kəşfiyyatının rəhbəri general-leytenant Ri Çanq Ho və KXDR Baş Qərargahının yüksək rütbəli üzvü general-mayor Sin Kum Çol daxildir.
London onları ərazi bütövlüyünü pozmaqda və Ukraynada sabitliyi pozmaqda ittiham edib.
Böyük Britaniya Çin, Hindistan, Tailand, Türkiyə, Qırğızıstan və Almaniya şirkətlərinə ölkənin müdafiə qabiliyyətinin gücləndirilməsinə təsir edən Rusiyaya mal və xidmətlərin tədarükünü təşkil etdiklərinə görə sanksiyalar tətbiq edib. Siyahıya Çindən 11 şirkət, Tailand və Qırğızıstandan iki müəssisə, həmçinin Hindistan, BƏƏ, Türkiyə və Almaniyadan bir şirkət daxildir.
Aytəkin TOFİQQIZI
Bizi Telegram-da izləyin...
