Britaniya və Fransa Ukraynada sülhməramlı qoşun yerləşdirmək İSTƏYİR
Britaniya və Fransa Ukraynada sülhməramlı qoşun yerləşdirmək istəyir.
Redaktor.az bu barədə "The Economist" nəşrinə istinadla xəbər verir.
Bu addım, iki ölkə arasında aparılan danışıqların nəticəsi olaraq, sülhməramlı missiya çərçivəsində həyata keçiriləcək. Məlumatlara görə, qoşunların sayı bir neçə on minlərlə insanı əhatə edə bilər, amma bu qüvvə böyük deyil.
Qoşunlar Ukraynanın şərqindəki cəbhə xəttində deyil, şəhərlərdə, limanlarda, atom elektrik stansiyalarında və digər mühüm infrastruktur obyektlərində yerləşdiriləcək. Bu, həmçinin münaqişənin həllində beynəlxalq təhlükəsizliyi təmin etmək məqsədini güdür.
Əvvəlcə, “Financial Times” qəzeti də qeyd edib ki, London və Paris Ukraynaya sülhməramlı qoşunları yalnız ABŞ-ın kontingentin təhlükəsizliyini təmin etməsi şərti ilə göndərməyi planlaşdırırlar. Bu məsələdə hələ də müzakirələr davam edir və Fransa prezidenti Emmanuel Makronun Vaşinqtona səfəri zamanı Tramp administrasiyasından konkret vədlər əldə edə bilməyib.
Aytəkin TOFİQQIZI
Bizi Telegram-da izləyin...
