Bu cinayətlərə qarşı sərt cəzalar TƏTBİQ EDİLƏCƏK
Türkiyə Böyük Millət Məclisinə (TBMM) təqdim ediləcək yeni məhkəmə paketində, yol hərəkəti və ictimai asayişi pozan cinayətlərə qarşı daha sərt cəzalar nəzərdə tutulur.
Redaktor.az xəbər verir ki, əsas dəyişikliklər bunlardır:
Yol kəsənlərə – 3 ilə qədər həbs, 1 il sürücülük vəsiqəsindən məhrumetmə
Alkoqollu vəziyyətdə avtomobil idarə edənlərə – 50 min TL cərimə, 6 aydan 2 ilə qədər həbs
Ambulansa, yanğınsöndürən və polis maşınlarına yol verməyənlərə – 20 min TL cərimə
Hərəkət halında olan iki və daha çox avtomobilin arasından sürətlə keçənlərə – 50 min TL cərimə, 1 il sürücülük vəsiqəsindən məhrumetmə
"Drift" edənlərə – 80 min TL cərimə
Sürücülük vəsiqəsi olmadan avtomobil idarə edənlərə – 40 min TL cərimə
Ölümlə nəticələnən qəza yerindən qaçanlara – 1-3 il həbs, 2 il sürücülük vəsiqəsindən məhrumetmə
Narkotik maddələrin təsiri altında avtomobil idarə edənlərə – 100 min TL cərimə, 5 il sürücülük vəsiqəsindən məhrumetmə
İctimai asayişi pozan hərəkətlərə qarşı cəzalar da sərtləşdiriləcək:
Toy, nişan və əsgər yolasalma mərasimlərində atəş açanlara – 10 ilə qədər həbs
Yaşayış məntəqəsində silah və ya "kuru sıkı" silahdan istifadə edənlərə – 5 ilə qədər həbs
Lisenziyasız tüfəklə yaxalananlara – 30 min TL cərimə
İcazəsiz "kuru sıkı" silah daşıyanlara – 20 min TL cərimə
Türkiyənin Ədalət Naziri Yılmaz Tunç yeni tənzimləmələrin cəmiyyətin təhlükəsizliyini artırmaq məqsədi daşıdığını bildirib.
Kənan YUSİF
Bizi Telegram-da izləyin...
