Gürcüstan parlamenti bu maddənin geri qaytarılmasını DƏSTƏKLƏDİ
Gürcüstan parlamenti “vətənə xəyanət” maddəsinin geri qaytarılmasını dəstəkləyib.
Redaktor.az APA-ya istinadən xəbər verir ki, qanunvericiliyə dəyişikliyi parlamentin 83 deputat dəstəkləyib. Qanun layihəsinə əsasən Cinayət Məcəlləsinə vətənə xəyanətə görə cinayət məsuliyyəti nəzərdə tutan 307-ci maddə əlavə ediləcək. Sözügedən normaya əsasən, Gürcüstanın ərazi bütövlüyünün pozulmasına, konstitusiyaya zidd əməllərə yol verən şəxslər, Gürcüstanın xarici təhlükəsizliyini pozanlar, xarici kəşfiyyat agentlikləri ilə əməkdaşlıq edənlər, Gürcüstanın müdafiə imkanlarının pozulması, dövlət sirlərinin açılması, casusluq, konstitusiya quruluşunun zorla devrilməsinə cəhd, xarici ölkənin təxribatına yardım kimi fəaliyyətlərə yol verənlər vətənə xəyanətdə ittiham ediləcəklər.
Qanun layihəsinin təşəbbüskarları və müəllifləri hakim “Gürcü Arzusu” fraksiyası və Xalqın Gücü siyasi hərəkatının üzvləridir.
Bizi Telegram-da izləyin...
