ABŞ-yə idxal olunan avtomobillərə 25 faiz rüsum tətbiq ediləcək - Tramp
ABŞ bütün idxal olunan avtomobillərə 25 faiz rüsum tətbiq etməyi planlaşdırır.
Redaktor.az xarici mediaya istinadla xəbər verir ki, bunu ABŞ Prezidenti Donald Tramp deyib.
“Düşünürəm ki, bizim avtomobil sənayemiz əvvəllər olmadığı kimi çiçəklənəcək”, - deyə o qeyd edib.
Tariflərin Meksika və Kanada təchizat zəncirindən asılı olan sektoru hədəf alacağı proqnozlaşdırılır və avtomobil qiymətlərini artıra biləcəyi ehtimal edilir.
Tariflər aprelin 2-dən qüvvəyə minəcək və ABŞ-yə idxal edilən hazır avtomobil və yük maşınlarına, o cümlədən detalları xaricdə yığılan Amerika markalarına şamil ediləcək.
Bizi Telegram-da izləyin...
