Tramp buzqıran AXTARIR

Finlandiya Prezidenti Aleksander Stubb martın 29-da ABŞ-a qeyri-rəsmi səfər edib.
Redaktor.az yerli mediaya istinadla xəbər verir ki, ABŞ Prezidenti bu barədə “Truth Social” sosial platformasında paylaşım edib.
Floridada “Trump International Golf Club” qolf klubunda bir araya gələn dövlət başçıları ikitərəfli əməkdaşlığın gücləndirilməsi, Ukrayna müharibəsi və Arktikada ABŞ-ın təsirinin artırılması üçün Finlandiyadan buzqıran gəmilərin alınmasını müzakirə ediblər: " Aleksander Stubb və mən Vaşinqton üçün çox vacib olan buzqıran gəmilərin alınması da daxil olmaqla, ABŞ ilə Finlandiya arasında əməkdaşlığın gücləndirilməsini səbirsizliklə gözləyirik. Bu, ölkələrimiz və bütün dünya üçün sülh və beynəlxalq təhlükəsizliyi təmin etmək baxımından vacibdir".