Xarici İşlər Nazirliyi ABŞ-nin Ukrayna ilə bağlı mövqeyində problemlər aşkarladı
Rusiya Xarici İşlər Nazirinin müavini Sergey Ryabkov, ABŞ-nin Ukraynadakı münaqişənin həlli ilə bağlı mövqeyində ciddi problemlərin mövcud olduğunu bildirib.
Redaktor.az bu barədə lenta.ru-ya istinadla məlumat verir.
O, Vaşinqtonun Ukraynadakı münaqişənin kök səbəblərinin aradan qaldırılması məsələsini ciddiyə almadığını və bu vəziyyətin böhranın həllinə maneə törətdiyini vurğulayıb.
Ryabkov qeyd edib ki, ABŞ-nin təklif etdiyi atəşkəs planlarında bu münaqişənin köklü səbəblərinin həllinə dair heç bir yer yoxdur. O, ABŞ-nin mövqeyinin Rusiyanın prioritetlərini nəzərə almadığını və bu səbəbdən Vaşinqtonun təkliflərini qəbul etməyin mümkün olmadığını bildirib.
Bundan əvvəl, Kremlin sözçüsü Dmitri Peskov, Rusiya ilə ABŞ arasındakı əlaqələrin davam etdiyini, lakin Ukraynadakı münaqişənin çox mürəkkəb olduğunu və əlavə səylər tələb etdiyini açıqlamışdı.
Aytəkin TOFİQQIZI
Bizi Telegram-da izləyin...
