Avropa qazsız qala bilər
Avropa yanacaq qiymətlərinin yüksək olması səbəbindən gələn qışa qədər qaz ehtiyatlarının tükənməsi riski ilə üzləşir.
Redaktor.az xəbər verir ki, bu barədə "Bloomberg" xəbər agentliyi məlumat yayıb.
"Adətən, anbarda olan qaz ehtiyatları martın sonundan, xüsusən də istehlakın azaldığı həftə sonlarında artmağa başlayır. İndiyədək anbarlara çox az qaz daxil olub. Treyderlər aprel ayında yükləmə həcmlərinin artacağını gözləyirlər. Bu qismən ona görədir ki, bəzi anbarlar, xüsusən də Fransada 2024 -cü ilin sentyabr və oktyabr aylarında müqavilə bağlanıb", - deyə köşə yazarı Javier Blas yazır.
Vəziyyətə 2024-cü ilin noyabr ayından qiymət stimullarının olmaması da təsir edib və bu, bir çox Avropa şirkətlərinin saxlama yerlərini sifariş etməməsinə səbəb olub.
Eyni zamanda, Gas Infrastructure Europe-un məlumatları göstərir ki, mart ayında Avropa İttifaqının (Aİ) qaz nəqli sisteminə rekord həcmdə mayeləşdirilmiş təbii qaz (LNG) daxil olub.
Turan İSMAYIL
Bizi Telegram-da izləyin...
