Moskalkova Ukraynaya aparılan Kursk vilayətinin sakinləri ilə bağlı məlumatları açıqladı
Rusiyada İnsan hüquqları üzrə müvəkkili Tatyana Moskalkova Kursk vilayətinin sakinlərinin Ukraynaya aparılması ilə bağlı yeni məlumatları açıqlayıb.
Redaktor.az bu barədə lenta.ru-ya istinadla məlumat verir.
Onun sözlərinə görə, hazırda Kurskdan Ukraynaya aparılan və ya təxliyə edilən yeni vətəndaş yoxdur.
Hər gün Beynəlxalq Qızıl Xaç Komitəsi ilə əlaqə saxlanılır və onlara əsasən, bu günə qədər Kurskdan Sumıya heç bir yeni insan göndərilməyib.
O, həmçinin qeyd edib ki, Ukrayna hərbçiləri rus qoşunlarının irəliləməsindən əvvəl 100-dən çox rusiyalını Ukraynaya təxliyə ediblər. Bəzi sakinlər isə artıq Rusiya ərazisinə qayıdıblar.
Daha əvvəl bildirildiyinə görə, Kursk vilayətindən olan 50 mülki şəxs hələ də Sumı vilayətində qalır. Onların geri qaytarılması üçün danışıqlar aparılır, lakin Ukrayna tərəfi sənəd çatışmazlığı səbəbindən sərhədi keçmənin mümkün olmadığını bildirib.
Aytəkin TOFİQQIZI
Bizi Telegram-da izləyin...
