Adanada avtomobil ilə mikroavtobus toqquşdu, 5 nəfər öldü
Adananın Kozan rayonunda avtomobil ilə mikroavtobusun toqquşması nəticəsində eyni ailədən 5 nəfər həyatını itirib, 8 nəfər yaralanıb.
Redaktor.az xəbər verir ki, hadisə Kozan-Feke yolunun Kozan Bəndi yaxınlığında baş verib. Zeynel Güleçin idarə etdiyi avtomobil Veysel Baltanın sürdüyü mikroavtobusla toqquşub.
Hadisə yerinə təcili tibbi yardım, jandarma və yanğınsöndürənlər cəlb edilib.
Araşdırmalar zamanı avtomobilin sürücüsü Zeynel Güleç, onun həyat yoldaşı Ülkü Güleç və uşaqları Bedirhan, Emirhan və Dilek Güleçin hadisə yerində dünyasını dəyişdiyi müəyyən edilib.
Mikroavtobusdakı 8 yaralı isə xəstəxanaya çatdırılıb.
Jandarma hadisə ilə bağlı araşdırmaları davam etdirir.
Kənan YUSİF
Bizi Telegram-da izləyin...
