İstanbulda 6 ton çiyələk yüklü TIR YANDI

Dünya
 21:11 02.04.2025     158

İstanbulun Beykoz rayonunda 6 ton çiyələk daşıyan TIR yanıb. Alov qısa müddətdə yük bölməsinə sıçrayaraq nəqliyyat vasitəsini bürüyüb, çiyələklər yola dağılıb.

Redaktor.az xəbər verir ki, hadisə yerli vaxtla gecə saat 00:15 radələrində Şimal Marmara Avtomobil Yolunun Bozhane məntəqəsində, Edirne istiqamətində hərəkətdə olan TIR-da baş verib. Sürücü təkərlərdən yüksələn alovu görərək nəqliyyat vasitəsini təhlükəsizlik zolağına çəkib. Lakin alov qısa müddətdə yük bölməsinə yayılıb.

Hadisə yerinə cəlb olunan jandarma yolun təhlükəsizliyini təmin edərkən, yanğınsöndürənlər yanğını nəzarət altına alaraq söndürüb.

Kənan YUSİF 

2
Bizi Telegram-da izləyin...

© 2025 Redaktor.az.