Maskın Ağ Evdəki vəzifəsindən nə vaxt gedəcəyi məlum OLDU
İlon Mask ABŞ hökumətinin effektivliyi departamentinin (DOGE) rəhbəri vəzifəsini başa vurduqdan sonra Amerika hökuməti üçün fəaliyyətini dayandıracaq.
Redaktor.az-ın xəbərinə görə, bunu Ağ Evin mətbuat katibi Kerolayn Livitt jurnalistlər üçün keçirdiyi növbəti brifinqdə deyib.
"İlon Mask və Prezident Tramp açıq şəkildə bildiriblər ki, onun departamentdəki işi bitdikdən sonra hökumət üçün xüsusi dövlət işçisi kimi işləməyi dayandıracaq", - deyə o bildirib.
Qeyd edək ki, Mask hökumət tərəfindən "xüsusi dövlət işçisi" kimi işə götürüldüyü üçün onun səlahiyyət müddəti 130 gündən çox olmamalıdır.
Bizi Telegram-da izləyin...
