ABŞ Kanada və digər ölkələrə yeni tariflər tətbiq edəcək
ABŞ Prezidenti Donald Trampın administrasiyası Kanadaya ABŞ-nin yeni tariflərinin iqtisadiyyatının hansı sektorlarının təsirinə məruz qalacağı barədə əvvəlcədən məlumat verməyəcək.
Redaktor.az xəbər verir ki, bu barədə CTV telekanalına Kanada hökumətindəki mənbə bildirib.
Onun sözlərinə görə, Ottava əvvəlcədən onunla bu cür məlumatların paylaşılmasını gözləmir.
Baş nazir Mark Karni dəfələrlə deyib ki, ABŞ aprelin 2-də Kanada iqtisadiyyatına yeni tariflər tətbiq edərsə, Kanada buna cavab verəcək. CTV həmçinin daha əvvəl bildirmişdi ki, Ottava “ABŞ-yə maksimum zərbə vurmaq və kanadalılara dəyən zərəri minimuma endirmək” üçün cavabını bir gün gecikdirə bilər.
Qeyd edək ki, martın 4-də ABŞ administrasiyası Kanada və Meksikadan idxal edilən demək olar ki, bütün mallara 25% gömrük rüsumları tətbiq edib.
ABŞ-nin yaxın saatlarda Kanada da daxil olmaqla bir sıra ölkələrə yeni tariflər tətbiq edəcəyi gözlənilir.
Turan İSMAYIL
Bizi Telegram-da izləyin...
