Danimarkadan Trampın Qrelandiyanı tələb etməsinə CAVAB
ABŞ Prezidenti Donald Trampın Qrenlandiya ilə bağlı açıqlamalarına Danimarkanın tənqidi səslənib.
Redaktor.az TASS-a istinadla xəbər verir ki, bunu krallığın xarici işlər naziri Lars Lokke Rasmussen cümə axşamı NATO-ya üzv ölkələrin xarici işlər nazirlərinin iclasının keçirildiyi Brüsseldə ABŞ dövlət katibi Marko Rubio ilə görüşdən sonra deyib.
Qrenlandiya məsələsi gündəmdə olmasa da, danimarkalı nazir amerikalı həmkarı ilə söhbətində bunu gündəmə gətirməyə bilməyəcəyini bildirib. "Danmarks" radiosu Rasmussenin sözlərindən sitat gətirir: "Mən fürsətdən istifadə edərək krallıq adından bir neçə şeyi demək istəyirəm, yəni Amerika prezidentinin Qrenlandiyanı ələ keçirmək niyyəti və ya ambisiyasına dair bu daimi bəyanatları heç bir şəkildə beynəlxalq hüquq normalarına uyğun gəlmir. Məndə elə bir hiss var idi ki, o, mənim dediklərimi diqqətlə dinləyir".
Danimarka XİN rəhbəri onu da vurğulayıb ki, Qrenlandiyadan olan nümayəndələr olmadan problemin konkret müzakirəsi mümkün deyil.
"Amerikalılarla hər şeyi müzakirə edə bilərik və onların Qrenlandiyada istədikləri budur, lakin təbii ki, ölkəmizin suverenliyi və ərazi bütövlüyümüzü müzakirə edə bilmərik" deyən o, əlavə edib ki, "1951-ci ildən müdafiə müqaviləmiz olduğunu bildirmək vacib idi və bu çərçivədə, əlbəttə ki, daha çox iş görülə bilər".
Xatırladaq ki, Tramp dəfələrlə Qrenlandiyanın ABŞ-yə qoşulmalı olduğunu bəyan edib. O, Danimarka adadan imtina etməsə, onu yüksək ticarət rüsumları tətbiq edəcəyi ilə hədələyib.
Turan İSMAYIL
Bizi Telegram-da izləyin...
