İsrail ordusu Qəzzada daha 80 fələstinlini öldürdü
Cümə axşamı təkcə Qəzza zolağının paytaxtında ən azı 80 fələstinli öldürülüb.
Redaktor.az xəbər verir ki, bu barədə "Al Hadath" telekanalı məlumat yayıb.
Kanalın anklavın mülki müdafiə xidmətindəki mənbəsinə görə, bu rəqəmə İsrailin Qəzzanın şərqindəki məktəb binasına endirdiyi zərbənin qurbanları da daxildir - hazırda 31 nəfərin öldüyü məlumdur. "Binaların dağıntıları altında qurbanlar ola bilər, lakin xilasedicilər onlara kömək edə bilmirlər, çünki dağıntıları təmizləmək üçün ağır texnikaları yoxdur", - telekanalın mənbəsi vurğulayıb.
Qeyd edək ki, martın 18-də İsrail ordusu Qəzza zolağında hərbi əməliyyatları bərpa edərək, anklav ərazisinə kütləvi zərbələr endirib və bununla da bu ilin yanvarında yaradılmış atəşkəsi pozub.
Turan İSMAYIL
Bizi Telegram-da izləyin...
