"ABŞ, əgər istəsə, Qrenlandiyada mövcudluğunu gücləndirə bilər" - Baş nazir
Birləşmiş Ştatlar istəsə, Qrenlandiyada mövcudluğunu genişləndirə bilərdi, baxmayaraq ki, Birləşmiş Ştatların artıq adaya geniş çıxışı var.
Redaktor.az TASS-a istinadla xəbər verir ki, krallığın Baş naziri Mette Frederiksen adanın paytaxtı Nuuk şəhərinə səfəri zamanı mətbuat konfransında deyib ki, eyni zamanda Qrenlandiya Danimarka və Farer adalarının da daxil olduğu birliyin bir hissəsi olub, var və olacaq.
"İstəsəniz, Qrenlandiyada daha çox iştirak edə bilərsiniz, Qrenlandiya və Danimarka buna hazırdır. Arktikada təhlükəsizliyi gücləndirmək istəyirsinizsə, bunu biz də istəyiriksə, gəlin bunu birlikdə edək", - o deyib.
Xatırladaq ki, Tramp bundan əvvəl də bir neçə dəfə Qrenlandiyanın onun ölkəsinə qoşulmalı olduğunu bildirib. O, Danimarka adadan imtina etməsə, onu yüksək ticarət rüsumları tətbiq edəcəyi ilə hədələyib. Hətta ilk prezidentlik dövründə Tramp Qrenlandiyanı almağı təklif etmişdi. Danimarka və Qrenlandiya hakimiyyəti bu fikri rədd etmişdi.
Qrenlandiya muxtar ərazi kimi Danimarkanın bir hissəsidir. 1951-ci ildə Vaşinqton və Kopenhagen NATO müttəfiqlik öhdəliklərinə əlavə olaraq Qrenlandiya Müdafiə Müqaviləsi imzalayıblar. Buna uyğun olaraq, ABŞ adanı təcavüzdən qorumaq öhdəliyini üzərinə götürüb. Burada raket hücumu xəbərdarlığı sistemi və Arktika zonasına nəzarət vəzifələrini yerinə yetirən Amerikanın Pituffik kosmik bazası yerləşir.
Turan İSMAYIL
Bizi Telegram-da izləyin...
