Dünyanın varlı şəxsləri Trampın qərarı ilə 208 milyard dollar itirdi
ABŞ Pezidenti Donald Trampın, demək olar ki, bütün ölkələrə idxal rüsumları tətbiq etməsi nəticəsində dünyanın ən zəngin 500 adamının sərvəti 208 milyard dollar azalıb.
Redaktor.az bu barədə Bloomberg-ə istinadla məlumat verir.
Bu dəyişiklik, Milyarderlər İndeksinin 13 illik tarixində dördüncü ən böyük enişi və COVID-19 pandemiyasından bəri ən böyük azalma hesab olunur.
Meta şirkətinin təsisçisi Mark Zukerberq, şirkətinin səhmlərinin təxminən 9 faiz dəyər itirməsindən sonra 17,9 milyard dollar ziyan çəkib. Amazon’un qurucusu Ceff Bezos isə 15,9 milyard dollar, Tesla’nın rəhbəri İlon Mask isə 11 milyard dollar sərvət itirib.
Bu kütləvi sərvət itkisi, dünya iqtisadiyyatı üçün narahatlıq doğurur və ticarət müharibələrinin qlobal maliyyə bazarlarına təsirini bir daha göstərir.
Aytəkin TOFİQQIZI
Bizi Telegram-da izləyin...
