Çinin ABŞ-nin tariflərinə cavab verməsindən sonra neft qiymətləri aşağı düşdü
Çinin ABŞ-nin rüsumlarına cavab olaraq atdığı addımlar nəticəsində, Brent markalı neftin qiyməti son dörd ilin ən aşağı səviyyəsinə enib. Çinin maliyyə naziri Lan Foanın bütün Amerika məhsullarına 34 faizlik rüsum tətbiq etməsi, neft bazarında ciddi enişə səbəb olub.
Redaktor.az bu barədə lenta.ru-ya istiadla məlumat verir.
Məlumata görə, benchmark Brent markalı neftin iyun fyuçersləri 2024-cü ilin yazından bəri ən aşağı səviyyəyə düşərək, barel üçün 65 dollar yaxınlaşmağa başlayıb.
Minimum qiymət 65,38 dollar/barelə, WTI markalı may fyuçerslərinin dəyəri isə 62 dollar səviyyəsinə yaxınlaşıb. Həftənin əvvəlində isə dünya bazarında neftin qiyməti on dollar daha baha idi.
Qiymətlərin enməsinin əsas səbəbi, ABŞ prezidenti Donald Trampın dünya bazarına elan etdiyi qlobal ticarət müharibəsinin nəticəsində qlobal iqtisadi artımın ləngiməsi gözlənilməsidir. Analitiklər, Vaşinqtonun yeni tarif siyasətinin, qlobal artımı əhəmiyyətli dərəcədə yavaşladacağını və bir çox ölkəni, o cümlədən ABŞ-ı da tənəzzülə sürükləyəcəyini düşünürlər.
İqtisadçıların qiymətləndirdiyi tariflərə və ya onların ölçüsünə yenidən baxılması ehtimalı, Pekinin simmetrik cavab vermək qərarına gəldikdən sonra əhəmiyyətli dərəcədə azalıb. Belə bir addım, danışıqların azaldığına işarə edir, çünki Amerika administrasiyası əvvəllər bu cür cavab tədbirləri ilə eskalasiyaya hazır olduğunu bəyan edib.
Başqa bir amil isə OPEC+-ın bazara əlavə xammalın çıxarılmasını sürətləndirmək qərarı olub. Bu həftə, sazişin tərəfləri may ayında hasilatı əvvəllər gözləniləndən üç dəfə çox, sutkada 411 min barel artırmaq barədə razılığa gəliblər. Bu qərar, bazar payını qorumağa çalışmaq və qiymətlərin yüksəlməsinin mümkünsüzlüyünü qəbul etmək məqsədilə atılıb.
Aytəkin TOFİQQIZI
Bizi Telegram-da izləyin...
