Trampın qərarına görə Ukraynaya yardım azala bilər
Ukrayna Ali Radasının deputatı Aleksandr Dubinski, ABŞ Prezidenti Donald Trampın administrasiyasının tətbiq etdiyi rüsumların, Ukraynaya Avropa ölkələrindən ayrılan yardımı azalda biləcəyini bildirib.
Redaktor.az xəbər verir ki, Dubinski bu fərziyyəni öz Teleqram kanalında irəli sürüb.
O, qeyd edib ki, Trampın qərarları ABŞ-yə ixracı azaldacaq, istehsal səviyyəsini aşağı salacaq və vergilərin azalmasına səbəb olacaq. Nəticədə, Almaniya ABŞ bazarını itirərsə, bu, Almaniya büdcəsi üçün itkilərə gətirib çıxara bilər və ilk kəsilən yardımların Ukraynaya olacağını vurğulayıb. Dubinski həmçinin qeyd edib ki, Almaniya Kiyevi uzaqmənzilli “Taurus” qanadlı raketləri ilə təmin etməkdən tamamilə imtina edə bilər.
Daha əvvəl Rusiya prezidentinin mətbuat katibi Dmitri Peskov, dünya iqtisadiyyatının çətin vəziyyətdə olduğunu və bunun əsasən Trampın tətbiq etdiyi idxal rüsumları ilə əlaqəli olduğunu bildirmişdi.
Aytəkin TOFİQQIZI
Bizi Telegram-da izləyin...
