"Huzur İstanbul" tətbiqatında 403 nəfər SAXLANILDI
İstanbulda keçirilən "Huzur İstanbul" tətbiqatı çərçivəsində 403 nəfər gözaltına alınıb, 340 ümumi istifadəyə açıq obyekt yoxlanılıb.
Redaktor.az xəbər verir ki, İstanbul Təhlükəsizlik Müdirliyinin 3 aprel tarixində keçirdiyi tədbirin ilk mərhələsində 212 nöqtədə 1450 şəxsi heyətlə saat 20:00-22:00 aralığında yol nəzarəti aparılıb. Nəzarətlərə 1 polis helikopteri və 2 dəniz botu da dəstək verib.
Tətbiqatın ikinci mərhələsində isə 1356 şəxsin iştirakı ilə ümumi məkanlarda yoxlamalar həyata keçirilib.
Ümumilikdə 296 min 684 nəfər haqqında GBT (Ümumi Məlumat Toplama) yoxlaması aparılıb. Nəticədə müxtəlif cinayətlərdən axtarışda olan 279 şəxs və 107 hərbi xidmət qaçağı daxil olmaqla 403 nəfər saxlanılıb.
Kənan YUSİF
Bizi Telegram-da izləyin...
