Norveç 2025-ci ildə Ukraynaya hərbi dəstəyi 8 milyard dollara çatdıracaq
Norveç hökuməti 2025-ci il üçün Ukraynaya hərbi yardımını 8 milyard dollara qədər artıracaq.
Redaktor.az xəbər verir ki, bu barədə ölkə hökumətinin rəsmi saytında yayımlanan press-relizdə bildirilir.
“Məbləğin artırılması beynəlxalq təşəbbüslər vasitəsilə və Ukraynanın müdafiə sənayesindən birbaşa satınalmalar yolu ilə hərbi dəstəyə yönəldiləcək”, – deyə məlumatda qeyd olunub.
Məlumata görə, hava hücumundan müdafiə sistemləri, artilleriya üçün sursat, pilotsuz uçuş aparatları və dəniz təhlükəsizliyi ilə bağlı məsələlərdə dəstək prioritetdir.
Bizi Telegram-da izləyin...
