Makronun qeyri-adi vərdişi barədə məlumat yayıldı
Siyasi şərhçi Olivier Bomontun yeni kitabı olan "Yelisey sarayının faciəsi"ndə Fransa Prezidenti Emmanuel Makronun qeyri-adi vərdişindən yazılıb.
Redaktor.az bu barədə "Parisien"ə istinadla xəbər verir.
“Prezidentin qoxusu” adlı ayrıca fəsildə Bomont Makronun bu özəlliyini ətraflı təsvir edir.
"Respublika Prezidenti "Christian Dior"dan "Eau Sauvage"nin odekolon variantı ilə ətirlənir. Onun hər yerdə, məsələn, masasının çəkməcələrində ətir butulkaları var. Qoxu nöqteyi-nəzərindən bu, kifayət qədər güclü siqnal göndərir. Onun bu yaxınlarda buradan keçib-keçmədiyini anlamaq üçün Yelisey sarayına çıxmaq kifayətdir”, - müəllif yazır.
Bomontun sözlərinə görə, Makron üçün bu ətir güc simvoludur. O, gün ərzində müntəzəm və əhəmiyyətli miqdarda odekolon çəkir. Üstəlik, onun həyat yoldaşı Bricit prezidentin olmadığı müddətdə "Eau Sauvage"dən istifadə etməyə davam edir.
Turan İSMAYIL
Bizi Telegram-da izləyin...
