"Ərdoğan Türkiyənin Ukraynanın təhlükəsizliyinin təminatçıları arasında olacağını təsdiqləyib" - Zelenski
Prezident Rəcəb Tayyib Ərdoğan Türkiyənin Ukraynanın təhlükəsizliyinin təminatçıları arasında olacağını təsdiqləyib.
Redaktor.az UNN-a istinadla xəbər verir ki, bu barədə Ukrayna Prezidenti Volodimir Zelenski brifinq zamanı bildirib.
"Prezident Ərdoğanla yaxşı münasibətlərimiz var. Biz onu Qara dənizdə təhlükəsizliklə bağlı gələcək təhlükəsizlik zəmanətlərində mühüm oyunçulardan biri kimi görürük. Bunun üçün Türkiyənin bütün imkanları var", - Zelenski deyib.
O hesab edir ki, Türkiyə gələcəkdə təhlükəsizlik təminatlarında çox mühüm rol oynaya bilər.
"Bu barədə Ərdoğanla danışdım. O, mənə Türkiyənin Ukraynanın təhlükəsizliyinin təminatçıları arasında olacağını təsdiqlədi" - Ukrayna lideri deyib.
Zelenski əlavə edib ki, Ukrayna tərəfi Türkiyədən təhlükəsizlik zəmanəti almağa çalışacaq.
Turan İSMAYIL
Bizi Telegram-da izləyin...
