Yaponiyada cütlüklər ayrı yatır - SƏBƏB

Birlikdə yatmaq ənənəsi mədəniyyətlərdən asılı olaraq fərqli şəkildə formalaşsa da, ümumilikdə bir neçə əsas amildən qaynaqlanır. Tarix boyunca, insan cəmiyyətləri müxtəlif sosial, iqtisadi və fiziki səbəblərdən birlikdə yatmağa meylli olub. Bu ənənənin yaranmasında əsasən təhlükəsizlik, yaxınlıq, ailə bağlarını möhkəmləndirmək və sosial qaydaların təsiri rol oynayıb.

Redaktor.az xəbər verir ki, Birlikdə yatmaq tərəflər arasında güvən və emosional bağların qurulmasında mühüm rol oynayır. Evlilik və romantik münasibətlərdə, cütlüklər arasında yaxınlığın qorunması və münasibətlərin möhkəmlənməsi üçün fiziki yaxınlıq vacibdir. Tərəflər arasında bədən istiliyinin paylaşılması, rahatlıq və təhlükəsizlik hissi yaradaraq, emosional və psixoloji səviyyədə bağları gücləndirir. Bəzi mədəniyyət və dinlərdə də ailə bağlarını möhkəmləndirmək və birliyi gücləndirmək məqsədilə cütlüklərin bir yerdə yatmasını təşviq edərək evliliyin müqəddəs bir bağ olduğu və tərəflərin bir yerdə yatmasının bu bağın möhkəmliyini simvolizə etdiyi düşünülür. 

Lakin illərdir ayrı yatmaq ənənəsini yaşadan ölkələr də var. Burada Yaponiya xüsusi ilə qeyd edilə bilər. 

Yaponiyada cütlüklərin ayrı yatma ənənəsi, bu cəmiyyətin işgüzar və sosial həyat tərzindən irəli gəlir. Həmçinin yaponlar sıx iş saatları, şəxsi zamanın dəyəri və sağlamlıq məsələlərinə önəm verməkləbu ənənəni formalaşdırıblar.

İlk baxışda, cütlüklərin ayrı yatması qəribə bir vərdiş kimi görünə bilər, lakin yaponlar bu vərdişi yuxu keyfiyyətlərini artırmaq və şəxsi məkanı qorumaq məqsədilə qəbul edirlər.

Belə ki, Yaponiyanın əmək bazarı çox ağırdır və iş saatları uzun olduğundan, insanlar bir-birinin yuxusuna mane olmamaq üçün ayrı yatırlar. Yəni, səhər tezdən işə gedən şəxs, gec gələn digər şəxsi narahat etməmək üçün ayrı yuxu alır. Bu, həm də hər iki tərəfin gün boyu daha dinc olmasına şərait yaradır. Aparılan tədqiqatlara görə yapon cütlüklərinin təxminən üçdə biri eyni yataqda yuxu yatmağı üstün tutur, lakin bu rəqəm yaş artdıqca azalır. Məsələn, 20-30 yaş aralığında insanlar arasında eyni yataqda yatmaq daha çox rast gəlinir, amma 60 və daha çox yaşlı olan insaların yalnız dörddə biri eyni yatmağı üstün hesab edirlər.

Ayrı yatmağın başqa bir səbəbi isə, yapon cəmiyyətində uşaqların anası ilə bir yerdə yatması ənənəsidir. Elm, ana və körpənin birlikdə yatmasının, uşaqda təhlükəsizlik hissini artırdığını və onun psixoloji inkişafını müsbət təsir etdiyini göstərir. Yapon anaları, uşaqları ilə yatan zaman həyat yoldaşlarını ayrı otaqlara göndərir, beləliklə hər bir ailə üzvü öz ehtiyaclarına uyğun şəkildə yuxu alır.

Yuxu keyfiyyətini artırmaq üçün bu ənənə həm də sosial və psixoloji faydalar gətirir. Məsələn, bir çox yapon cütlüyü ayrılıqda yatmağın münasibətlərini gücləndirdiyini iddia edir. Ayrı yatmaq tərəflərin daha çox şəxsi məkan və zaman təmin etməsi ilə, qarşılıqlı hörməti artırır və münasibətlərin daha sağlam olmasına kömək edir. Ayrıca, bu vərdişin başqa bir müsbət cəhəti də, insanların yuxu pozğunluqlarından və yuxuda narahat olmadan daha dərin yuxu almasına şərait yaratmasıdır.

Bundan əlavə, bəzi tədqiqatlar göstərir ki, ayrı yatma cütlüklərin münasibətlərini daha da möhkəmləndirə bilər. Çünki fərqli yataqlarda yatan insanlar, bir-birinin məkanına daha çox hörmət edir və şəxsi azadlıqları daha yaxşı qoruyurlar. Bu isə yavaş-yavaş daha yaxşı ünsiyyət və əlaqə yaradır (modern.az).