ABŞ-nin Yəmənə endirdiyi zərbə nəticəsində ən azı 70 husi öldürüldü
Yəmənin “Ənsar Allah” hərəkatından ən azı 70 üzvü ABŞ-nin aprelin 2-də qərbdəki əl-Hudeydə əyalətinə endirdiyi hava zərbəsi nəticəsində öldürülüb.
Redaktor.az xəbər verir ki, bu açıqlama ilə Yəmən hökumətinin informasiya, mədəniyyət və turizm naziri Müəmmər əl-İryani çıxış edib.
"Aprelin 2-də əl-Hudeydə əyalətinin cənub sahilindəki əl-Fəza bölgəsində husilərin toplaşdığı əraziyə ABŞ ordusunun dəqiq aviazərbəsi nəticəsində 70 terrorçu öldürülüb", - o “X” səhifəsində yazıb.
Nazirin sözlərinə görə, hücumda tanınmış husi liderləri və həmçinin Yəmən üsyançılarına dəstək verdiyi deyilən İran İslam İnqilabı Keşikçiləri Korpusunun müşavirləri həlak olub.
Bizi Telegram-da izləyin...
