Minquzzi ailəsinə təhdid iddiaları ilə istintaq BAŞLANDI

 19:45 10.04.2025     256

İstanbulun Kadıköy səmtində bıçaqlı hücum nəticəsində həyatını itirən Mattia Ahmet Minquzzinin ailəsinə qarşı təhdid və təhqir iddiaları ilə bağlı istintaq başladılıb.

Redaktor.az xəbər verir ki, Bakırköy Respublika Prokurorluğu, 24 yanvar tarixində baş vermiş hadisə ilə bağlı həbs edilən iki azyaşlı – B.B. və U.B.-nin yaxınları və dostlarının sosial media üzərindən Minquzzinin ailəsinə yönəlik sistematik təhdid və təhqir xarakterli paylaşımlar etdiklərinə, hətta uzun lüləli silahlarla çəkilmiş foto göndərdiklərinə dair şikayət əsasında hərəkətə keçib.

Prokurorluq, məsələ ilə bağlı şübhəlilərin müəyyən olunması üçün İstanbul Polis İdarəsinin Kibercinayətlər və Asayiş Şöbələrinə göstəriş verib.

Eyni zamanda, Minquzzinin Osmaniyə Qəbiristanlığındakı məzarının təhqir olunması ilə bağlı da prokurorluq tərəfindən ayrıca istintaq başladılıb.

Minquzzi cinayətinə dair əsas məhkəmə prosesi isə 8 may tarixinə təxirə salınıb. İttiham olunanlar 24 ilədək həbs cəzası tələbi ilə mühakimə olunur.

Kənan YUSİF