Türkiyə ilə İndoneziya arasında 3 əməkdaşlıq sazişi İMZALANDI
Aprelin 10-da Türkiyə Prezidenti Rəcəb Tayyib Ərdoğan və İndoneziya Prezidenti Prabovo Subiantonun iştirakı ilə Ankara şəhərində iki ölkə arasında 3 əməkdaşlıq sazişi imzalanıb.
Redaktor.az xəbər verir ki, tədbir Prezident Sarayında baş tutan təkbətək və heyətlərarası görüşlərdən sonra təşkil olunub.
İmzalanan sənədlər aşağıdakılardır:
— Təbii fəlakət və fövqəladə hallar sahəsində əməkdaşlıq haqqında Anlaşma Memorandumu – Türkiyə Fövqəladə Halların İdarə Olunması İdarəsi (AFAD) ilə İndoneziya Milli Fəlakət İdarəetmə Qurumu arasında.
— Media və kommunikasiya sahəsində əməkdaşlıq haqqında Anlaşma Memorandumu – Türkiyə Prezidentinin Kommunikasiya İdarəsi ilə İndoneziya Prezidentinin Kommunikasiya Ofisi arasında.
— Mədəni əməkdaşlıq sazişi – Türkiyə Mədəniyyət və Turizm Nazirliyi ilə İndoneziya Mədəniyyət Nazirliyi arasında.
Görüş zamanı ikitərəfli əlaqələrin genişləndirilməsi və regional əməkdaşlığın gücləndirilməsi məsələləri də müzakirə olunub.
Kənan YUSİF
Bizi Telegram-da izləyin...
