Alimlər dünyanın ən acı maddəsini kəşf ETDİLƏR
Alimlər indiyə qədər kəşf edilmiş ən acı dadlı təbii maddəni müəyyən ediblər.
Redaktor.az xarici mediaya istinadla xəbər verir ki, bir göbələk növündən əldə edilən bu birləşmə milyardda bir hissə qədər aşağı səviyyədə insanın acı dad reseptorlarını stimullaşdıra bilir.
Acı dad çox vaxt xoşagəlməz kimi qəbul edilsə də, əslində təkamüllə sağ qalmamızda mühüm rol oynayan bir müdafiə mexanizmidir. Almaniyada aparılan bir araşdırma təbiətdəki ən acı maddəni kəşf edərək bu müdafiə sisteminin sərhədlərini yenidən müəyyənləşdirib.
Tədqiqatçıların diqqətini çəkən “Amaropostia stiptica” adlı şelf göbələk növü olub. Şimal yarımkürəsinin sərt ağac meşələrində yarpaqlı və iynəyarpaqlı ağaclarda bitən bu göbələk ağımtıl, kobud səthi ilə diqqət çəkir. Ancaq onu həqiqətən xüsusi edən, tərkibindəki üç yeni kimyəvi birləşmədir.
Vasif
Bizi Telegram-da izləyin...
