Lavrov ABŞ-li həmkarı ilə razılığa gəldi
Rusiyanın xarici işlər naziri Sergey Lavrov və ABŞ dövlət katibi Marko Rubio arasında telefon danışığı olub.
Redaktor.az TASS-a istinadla xəbər verir ki, bu barədə Rusiya Xarici İşlər Nazirliyinin bəyanatında deyilir.
Rubio ilə telefon danışığında Lavrov Moskvanın Ukrayna böhranının əsas səbəblərini etibarlı şəkildə aradan qaldırmaq üçün ABŞ ilə əməkdaşlığı davam etdirməyə hazır olduğunu təsdiqləyib.
Tərəflər, həmçinin amerikalıların və avropalıların Ukrayna tərəfi ilə planlaşdırdıqları görüşlər fonunda operativ əlaqə saxlamağa razılaşıblar.
"Nazir və dövlət katibi operativ əlaqəni davam etdirmək barədə razılığa gəliblər, o cümlədən amerikalılar və avropalıların gələn həftə Ukrayna tərəfi ilə planlaşdırdıqları görüşlər fonunda", - diplomatik departamentdən bildiriblər.
Rubio Fransadakı Ukrayna nümayəndələri ilə təmasları barədə məlumat verib.
"Parisdə olan dövlət katibi ABŞ prezidentinin xüsusi elçisi Stiven Vitkoffla Ukrayna, Fransa və bir sıra digər Avropa ölkələrinin nümayəndələri ilə keçirdiyi təmaslar barədə məlumat verib. Qeyd olunan təmasların Vaşinqton və Moskva arasında aparılan məsləhətləşmələrin mövzuları, o cümlədən Rusiya prezidenti Vladimir Putinlə Stiven Uitburq arasında bu yaxınlarda keçirilən söhbəti çərçivəsində baş tutduğu vurğulanıb", - nazirlikdən məlumat verilib.
Turan İSMAYIL
Bizi Telegram-da izləyin...
