"Ermənistanda insanlar təhsilə maraq göstərmir" - Paşinyan
Ermənistanda insanlar təhsilə və texnologiyalara maraq göstərmir.
Redaktor.az xəbər verir ki, bu barədə Ermənistanın baş naziri Nikol Paşinyan danışıb.
Onun sözlərinə görə, bu passivliyin kökündə kriminal altmədəniyyətin təsiri dayanır.
“Biz kişi əhalinin təhsil və texnologiya sahələrindəki passivliyinin ciddiliyini yetərincə qiymətləndirmirik. Bu məsələdə kriminal subkulturanın onların üzərindəki təsiri çox böyükdür”, - deyə Paşinyan bildirib.
Onun fikrincə, informasiya texnologiyaları elə bir sahədir ki, orada heç bir təhsil olmadan fəaliyyət göstərmək mümkün deyil.
“Bu gün və artıq bir müddətdir ki, əhalinin əksəriyyətini qadınlar təşkil edir. Bu da bizim üçün çox vacib məsələdir, çünki bu potensialdan tam istifadə etmək lazımdır”, - deyə Nikol Paşinyan bildirib.
Qeyd edək ki, Paşinyan ali təhsilə malik deyil (musavat.com).
Bizi Telegram-da izləyin...
